GALLANOVA NORTE VEN DE FINALIZAR A EXECUCIÓN DO PROXECTO “FOLERPAS. XEADO LACTOFUNCIONAL”, INICIADO NO ANO 2017 E FINALIZADO EN XANEIRO DE 2020, ACOLLIDO AS AXUDAS Á INNOVACIÓN DO PDR DE GALICIA 2014-2020.

ESTE PROXECTO SE DESENVOLVEU COA COLABORACIÓN DO CENTRO PÚBLICO DE INVESTIGACIÓN CIAM DE MABEGONDO, PERTENCENTE AO INSTITUTO GALEGO DE CALIDADE AGROALIMENTARIA, INGACAL, DA CONSELLERÍA DO MEDIO RURAL DA XUNTA DE GALICIA.

COMO RESULTADO DA EXECUCIÓN DO MESMO, GALLANOVA NORTE ACADOU A POSIBILIDADE DE INTRODUCCIÓN NO MERCADO DUN NOVO PRODUTO LÁCTEO, TIPO XEADO ARTESANAL, DE ALTO VALOR ENGADIDO E PERFIL BIOSAUDABLE, APTO PARA APLICACIÓNS DIETÉTICAS NA INFANCIA, TERCEIRA IDADE E PERSOAS CON PROBLEMAS DIABÉTICOS.

QUE REUNE AS SEGUINTES CARACTERÍSTICAS:

1º CALIDADE SUPERIOR EN CANTO A SABOR E PRESENTACIÓN.

2º CARÁCTER BIOSAUDABLE POLO PERFIL DIFERENCIADO DOS AG, ÁCEDOS GRAXOS.

3º AUSENCIA DE AZUCRE NA RECETA (SACAROSA) SEN PERDA DE PROPIEDADES ORGANOLÉPTICAS, NIN DE CALIDADE DO EMULSIONADO, TANTO DA FASE LIPOFÍLICA DISOLTA EN AUGA, COMO DA EMULSIÓN TIPO ESPUMA (AIRE) DURANTE O BATIDO.

O CIAM DE MABEGONDO PRODUCIU 16 LEITES DIFERENTES CUN PERFIL DE ÁCEDOS GRAXOS BIOSAUDABLE, EN BASE A MANEXO DE DIETA DE GANDO EN PASTOREO, CON POUCO CONCENTRADO NA DIETA, E ADITIVOS OBTIDOS DE EXTRACTOS DE CASTIÑEIRO.

ACADOUSE IGUALMENTE A POSIBILIDADE DE TRANSFERIR KNOW HOW NO ÁMBITO DA PRODUCIÓN DE LEITES BIOSAÚDABLES A TRAVÉS DO MANEXO DOS SISTEMAS DE ALIMENTACIÓN E DA ADICIÓN DE EXTRACTOS DE CASTIÑEIRO ÁS RACIÓNS DE CONCENTRADO DOS RABAÑOS DE VACAS EN PRODUCIÓN.